Student’s Union

Funksioni i Këshillit Studentor:

-Këshilli studentor është një hallkë e rëndësishme në jetën studentore. Këshilli Studentor i Kolegjit Universitar “LOGOS” krijon mundësinë e shpalosjes së mendimeve dhe propozimeve të studentëve për të gjitha problemet me interes të përgjithshëm mbi planet dhe programet e studimeve. Këshilli Studentor zgjidhet në mënyre demokratike dhe përfaqëson interesat e studentëve dhe nxit angazhimin dhe pjesëmarrjen e studentëve në jetën sociale dhe kulturore studentore.

Bashkëpunimi dhe konsultimi me studentët shprehet dhe në takimet e rregullta me Rektoratin, në tavolinat e rrumbullakëta tematike që zhvillohen me grupe studentësh.

Institucioni tërheq mendimin dhe vlerësimin e studentëve në përfundim të çdo lënde, duke u kërkuar të plotësojnë në kushte konfidenciale formularin përkatës, ku shprehin lirshëm opinionin mbi ecurinë e kursit, mbi performancën dhe përkushtimin e pedagogut gjatë procesit mësimor. Mendimet dhe vlerësimet e studentëve i nënshtrohen një vlerësimi realist që çon domosdoshmërisht në përmirësimin e cilësisë së mësimdhënies dhe të programeve mësimore.

Studentët organizohen në këshillin studentor në nivel njësie kryesore, dhe në nivel të Kolegjit Universitar “Logos”.

Këshilli i Studentëve zgjidhet çdo dy vjet nga votat e studentëve dhe mbështetet në legjislacionin në fuqi. Në rastet kur një individ i zgjedhur në Këshillin e Studentëve përfundon studimet universitare, ai zëvendësohet nga kandidati pasardhës në renditje për nga numri i votave të grumbulluara në zgjedhjet e fundit, deri në përfundim të mandatit të nisur.

Këshilli i Studentëve shpreh mendime dhe propozime për të gjitha problemet me interes të përgjithshëm të Kolegjit Universitar “Logos”, si për planet dhe programet e studimeve, rregulloret për veprimtaritë mësimore, të drejtën për të studiuar, cilësinë e shërbimeve, përcaktimin e tarifave të shkollimit dhe kontributeve të tjera financiare për studentët, bilancet vjetore paraprake të shpenzimeve ose ndarjen e burimeve financiare, zhvillimin e veprimtarive të ndryshme kulturore, artistike, sportive etj.

“Këshilli Studentor i Kolegji Universitar “LOGOS” ka si qëllim të saj:

• -Të trajtojë shqetësimet e studentëve dhe të veprojë për zgjidhjen e tyre;
• -Të kontribuojë në rritjen e aftësive organizuese dhe administruese të grupeve më aktive të studentëve;
• -Të krijojë struktura që shërbejnë për informimin e studentëve dhe të kujdeset për mbarëvajtjen e tyre;
• -Të bashkëpunojë me organet drejtuese të Fakultetit me synim përmirësimin e nivelit mësimor e kërkimor – shkencor;
• -Të krijojë e përforcojë lidhjet midis studentëve të Fakulteteve dhe studentëve të Fakulteteve të tjera në Shqipëri dhe nëpër botë;
• -Të ndërmarrë veprime që do të ndihmojnë në përmirësimin e gjendjes së studentëve;
• -Të krijojë struktura ndihmëse në zhvillimin e aktiviteteve jashtëshkollore për studentët;
• -Të ofrojë shërbime lehtësuese për studentët;
• -Të zhvillojë nivelin e kulturor dhe arsimor të studentëve;
• -Të kryejë aktivitete që synojnë argëtimin në format e tij më të larmishme.