Personeli Akademik

Prof. Dr. Konstantinos Giakoumis

• Dekan, Fakulteti i Shkencave Humane dhe Komunikimit Gjuhësor,
• Mësimdhënie: Njohuri për Historinë dhe Metodikë / Edukim Figurativ dhe Metodikë / Histori, Histori e Artit dhe Metodat e tyre

Prof. Konstantinos Giakoumis, Ph.D., (ORCID ID: 0000-0001-6658-4414 - H-Index: 6) është Profesor i Historisë dhe Arteve Pamore pranë Kolegjit Universitar LOGOS, Tiranë, dhe aktualisht mban detyrën e Dekanit të Fakultetit të Shkencave Humane dhe Komunikimit Gjuhësor në këtë institucion, ku ka dhënë mësim që prej shtatorit 2020. Portofoli i tij mësimor përfshin kurse të tilla si Historia e Shqipërisë, Arte Figurative dhe Didaktikë. Ai gjithashtu është pedagog I jashtëm pranë Universitetit POLIS, ku jep kursin e Historisë së Arkitekturës në Shqipëri në kuadrin e Masterit Ekzekutiv në Restaurimin dhe Vlerësimin e Trashëgimisë Kulturore.

Prof. Dr. Erleta Çelmeta (Mato)

Profesor Dr. Erleta Çelmeta (Mato), lindur në 1955 në Tiranë, diplomuar në gjuhë dhe letërsi, specializuar në Pedagogji dhe Psikologji, pedagoge e shkencave të edukimit me një përvojë 40 vjeçare në arsim. Ish drejtore e Institutit të Studimeve Pedagogjike dhe Institutit të Kurrikulave dhe Standardeve, zv rektore në dy universitete të ndryshme, autore dhe bashkautore e shumë teksteve shkollore në Shqipëri dhe në Kosovë, monografive dhe librave universitarë, studiuese dhe lektore e ftuar në shumë mjedise akademike brenda dhe jashtë vendit. Drejtuese dhe anëtare grupi në disa projekte kombëtare, rajonale dhe ndërkombëtare.

Librat më të njohur të saj si autore dhe bashkautore e parë janë: “Pedagogji për shkollat pedagogjike”, 1996; ”Fëmijët nën 6 vjeç” (1997); “Në kërkim të njohjes” (2000); “Civic Education in Albania” –study paper (2004); “Qytetaria në shkollë në shekullin 21”(2005); “Udhëzues për zhvillimin e kurrikulës” (2006) ; “Strategjitë e të lexuarit” (2006); “Filozofia e kurrikulës së re” (2007); “Jetojmë së bashku” (2007); “Gati për në shkollë”; (2008); “Edukimi mjedisor për ciklin fillor”, ( 2008) ; “ Tekstet shkollore në arsimin parauniversitar” (2010); “Një botë për të zbuluar” (2011); “Hapat e parë”; (2012); ”Të ndryshëm dhe të ngjashëm”, 2014; “Projekti mësimor në arsimin parashkollor dhe fillor”, (2017); “Politikat dhe reformat arsimore”, (2018),”Vizione të reja të Edukimit Special”, (2018), Arsimi dhe edukimi gjithëpërfshirës” (2023), “Pedagogji Parashkollore”, (2024), etj. Prej më shumë se 10 vitesh është kryetare e shoqatës “Specialistët e Edukimit” përmes së cilës ka realizuar projekte dhe studime të ndryshme brenda dhe jashtë vendit.

Prof. Asc. Dr. Agim Mucaj

Prof. Asc. Dr. Agim Mucaj është diplomuar në Shkencat Politike pranë Universitetit të Tiranës. Ka punuar në Universitetin e Tiranës, në Fakultetin e Shkencave Politike e Juridike si pedagog e më pas si bashkëpuntor shkencor në sektorin e sociologjisë. Ka kryer specializim pasuniversitar në Itali në fushën e sociologjisë në të cilën ka ushtruar aktivitetin e tij akademik e shkencor për 30 vjet. Për 9 vjet ka punuar ne Ministrinë e Arsimit dhe Shkencës, si specialist dhe mandej si Drejtor i Arsimit të lartë dhe njohjes së diplomave. Për 12 vite ka punuar në Universitetin Bujqësor si lektor dhe Përgjegjës Departamenti në Departamentin e Turizmit Rural. Është autor i 5 librave dhe disa artikujve shkencorë. Pjesëmarrës në shumë projekte në fushën e studimit të sociologjisë rurale. Në kolegjin universitar Logos është titullar i tre lëndëve: Diversiteti dhe drejtësia sociale, Politikat Sociale dhe Mirëqënia Sociale, Sjellja njerzore dhe Mjedisi Social II. Ka fituar gradën shkencore “Doktor i shkencave” dhe titullin akademik “Profesor i Asociuar”.

Prof. Dr. Asoc. Edo Sherifi

U lind nё Tepelenё mё 29.02. 1956; Nё vitin 1979 pёrfundoi Universitetin e Tiranës Fakultetin e Shkencave Politiko-Juridike; Nё 1990-1991 kreu Specializimin njё vjeҁar Psikologji & Pedagogji (ShPU) nё Universitetin e Tiranёs. Nё 2006-2008 pёrfundoi Masterin Shkencor në Edukim, nё Fakultetin e Shkencave Sociale, Departamenti Psikologji-Pedagogji.

Nё 2009-2010 u ҁertifikua për Psikoterapi Pozitive nga Qendra Botёrore e Psikoterapisë Pozitive nё Gjermani. Në 2012-2013 përfundoi Shkollёn Doktorale për gradën Doktor dhe në Nëntor 2013 mbrojti gradёn Doktor i Shkencave nё Departamentin Psikologji-Pedagogji në Fakultetin e Shkencave Sociale, Universiteti i Tiranës.

Në 2005-2016 ka qenë lektore e jashtme nё Fakultetin e Shkencave Sociale Universiteti i Tiranёs; Nё 2008-2010 ishte paralelisht lektore e jashtme te Universiteti Albania University; Nё 2014-2020 Pёrgjegjёse e Departamentit tё Psikologjisё nё KUW; Njёkohёsisht ka drejtuar Komisionin pёr Mbarёvajtjen e Veprimtarisё dhe Kurrikulёn; Nё vitin 2004 botoi librin “Aftёsim pёr Integrim”. Aktualisht po shkruan librin “Ҁrregullimet autistike dhe trajtimi i tyre”

Dhjetor 2014 deri ne Tetor 2020 drejtoi Departamentin e Psikologjisё, Fakulteti i Shkencave Ekonomike dhe Shoqёrore, Kolegji Universitar “Wisdom”. Qershor 2022- Janar 2023 drejtoi Departamentin e Shkencave te Arsimit, Kolegji Universitar “Wisdom”. Nёntor 2021 fitoi Titullin Akademik Prof.Asoc. Dr.

Janar 2023- deri ne 06. Tetor 2023 ishte Dekane e Fakultetit tё Shkencave Ekonomike dhe Shoqёrore, Kolegji Universitar “Wisdom”. Nga data, 09.10. 2023, pedagoge me kohё tё plotё nё Departamentin Pedagogji & Pikologji, Fakulteti i Shkencave Humane dhe Komunikimit Gjuhёsor, Kolegji Universitar “LOGOS”.

Dr. Konstantinos Ntovolis

Konstantinos Ntovolis është lindur më 1963. Ai zotëron diplomë Bachelori për Kapiten Detar - Akademia Greke Merchant Detare e Maqedonisë Selanik, Greqi (1981 – 1983); diplomë Bachelori të rregullimit të departamentit pedagogjik të arsimit komunal të Universiteti Aristotelit, Selanik, Greqi (1998 – 1999); diplomë Masteri – Universiteti i Italisë L’aquila Itali – Metodologji instruktive dhe psikologjike në arsim – Modele marketingu në shkollat publike të Greqisë (Organizata jofitimprurëse) L’aquila, Itali (2004 – 2006); PhD Omdurman i Universitetit Islamik Khartoum Sudan – Këshilltar – “Këshilltar arsimi dhe udhëzim profesional, programimi i shkollës në lidhje me profesionin udhëzimet e studentit » « Karriera e Këshilltarit », Khartoum, Sudan (2014 – 2016).

Dr. Blerta Drenofci

Blerta i ka kushtuar përpjekjet e saj për 20 vitet e fundit në Fondacionin Shqiptar për të Drejtat e Personave me Aftësisi të Kufizuar, për aktivitete në avokim dhe lobim për politikat e aftësisë së kufizuar, miratimin dhe zbatimin e legjislacionit si dhe ofrimin e shërbimeve mbështetëse për njerëzit në nevojë në gjithë vendin. Ajo është eksperte në fushën e politikave sociale dhe bashkëpunëtore në formulimin e kornizës së politikave për personat me aftësi të kufizuara në Shqipëri. Ka drejtuar kontributin që ka dhënë FSHDPAK në disa nisma të rëndësishme ligjore, si përmirësimet në kodin zgjedhor për të mundësuar të drejtën e votës për personat me aftësi të kufizuara, përmirësimin e legjislacionit që mundëson legjislacionin gjithëpërfshirës, hartimin dhe miratimin e Strategjisë Kombëtare të Aftësisë së Kufizuar, duke lobuar përmes avokimit për të shtyrë qeverinë shqiptare për të ratifikuar CRPD, etj. FSHDPAK është njohur si nismëtar dhe udhëheqës i të drejtave për personat me aftësin të kufizuar dhe është i vetmi në vend që ofron shërbime me karrige me rrota për njerëzit në nevojë.

Blerta ka doktoraturë në Shkencat Sociale, ka formim akademik, duke qenë pedagoge e Universitetit të Tiranës që nga viti 2013 në lëndë të tilla si Menaxhimi i Ciklit të Projektit, Sjellja Organizative dhe Zhvillimi i OJF-ve.

Blerta ka qenë udhëheqëse dhe autore e shumë studimeve në fushën e politikave sociale brenda dhe jashtë vendit. Ajo ka qenë e përfshirë si konsulente në kërkimin dhe zhvillimin e politikave nga disa agjenci ndërkombëtare.

Gjatë viteve 2015-2021, ka qenë e përfshirë: (a) në zhvillimin e kritereve të reja për vlerësimin bio-psiko-social të aftësisë së kufizuar në Shqipëri si dhe administrimin e saj lidhur me Shërbimin Social Shtetëror përmes një kontrate me Bankën Botërore dhe Ministrinë e Mirëqenies Sociale dhe Rinisë; (b) konsulencë për UNDP për vlerësimin e nevojave dhe planet lokale për përfshirjen, mbrojtjen dhe promovimin e të drejtave për personat me aftësi të kufizuara në Qarkun e Lezhës; (c) konsulente për Caritas Albania për vlerësimin Rehabilitimin dhe Përfshirjen Sociale të Personave me Aftësi të Kufizuara; (d) konsulente për UNDP mbi një studim të përqendruar në dhunën ndaj grave dhe vajzave me aftësi të kufizuara në Shqipëri etj.

MSc. (Dr. Proc) Juna Muça

M.Sc Juna Muça is a lecturer and coordinator of the Social Work program at the Faculty of Humanities, Social Sciences and Education at University College “Logos”, as well as a part-time lecturer at the Department of Labor and Social Policy, Faculty of Social Sciences at the University of Tirana since 2014. She graduated as Social Policies Administrator at the Department of Labor and Social Policy, Faculty of Social Sciences, University of Tirana (UT) where she also completed her graduate studies in the program of Social Services in Penal Justice. She is currently a doctoral candidate in the field of Social Work and Policy at the Faculty of Social Sciences, University of Tirana. Her areas of expertise and interest lay mainly in research in social sciences, social policies in penal justice, and conflict management. Her work experiences in these fields include teaching at Bachelor and Master’s levels and conducting scientific research focused mainly on issues related to criminal justice, as well as on development issues related to conflict management in various social fields. Her contributions in these fields have been enriched through quantitative and qualitative research.

MSc. (Dr. Proc) Saimira Gjapi

Saimira GJAPI (Ph. D. Cand.) (1982) ka kryer studimet e larta pranë Universitetit të Tiranës, në Fakultetin e Gjuhëve të Huaja, pranë Departamentit të Gjuhëve Sllavo-Ballkanike si Specialiste e Gjuhës Greke dhe studimet pasuniversitare në Letërsi të Krahasuar pranë Fakultetit Filozofik të Universitetit Aristotel të Selanikut, në Departamentin e Filologjisë si dhe ka kryer kursin pasuniversitar për Marrëdhënie Ndërkombëtare dhe Diplomaci pranë Akademisë Diplomatike Shqiptare. Është kandidate doktorature në Letërsi të Krahasuar në Departamentin e Gjuhës dhe Filologjisë Italiane në Fakultetin Filozofik të Universitetit Aristotel, Selanik.

Znj. Gjapi është Ass/Lektore në Departamentin Pedagogji-Psikologji pranë Kolegjit Universitar “Logos”. Gjatë eksperiencës në fushën e mësimdhënies ajo ka bashkëpunuar me Ministrinë e Arsimit dhe Sporteve si korrigjuese e testeve të maturës shtetërore për lëndën me zgjedhje “Gjuhë Greke”, po ashtu dhe me Sektorin e Diasporës dhe Minoriteteve. Gjithashtu, znj. Gjapi ka bashkëpunuar me kolegjin Greko-Shqiptar “Arsakeio e Tiranës” si dhe me Fondacionin Grek të Kulturës në Tiranë.

Ajo ka dhënë kontributin e saj vullnetar në mësimdhënien e gjuhës shqipe pranë shoqatës “Nënë Tereza” në Selanik si dhe gjuhë greke pranë shkollës “Odisea” po në këtë qytet, duke pasur në fokus të saj integrimin e plotë të komuniteteve të ndryshme në jetën sociale të vendit. Në të njëjtën kohë znj. Gjapi ka punuar dhe pranë Konsullatës së Përgjithshme të Republikës së Shqipërisë në Selanik, Greqi.

Znj. Gjapi gjatë rrugëtimit të saj në fushën e mësimdhënies ka ndjekur një sërë trajnimesh brenda dhe jashtë vendit, të cilat lidhen drejtpërsëdrejti me metodat bashkëkohore të mësimdhënies dhe të mësimnxënies efektive te studentët në fushën e gjuhës dhe të letërsisë ndër të cilat në mënyrë indikative mund të përmenden:

• Qasje dhe Aktivitet Novatore në mësimdhënien e letërsisë, Greqi.
• Shkrim Krijues, Greqi.
• Mësimdhënia e greqishtes si gjuhë e dytë/e huaj për studentët dygjuhësh ose studentë me profil emigrant, Greqi.
• Udhëzime plotësuese në mësimin e gjuhës shqipe në diasporë, Kosovë.
• Praktikat e Pranueshme në Arsimin Ndërkulturor Dygjuhësor, Shqipëri.

Znj. Gjapi ka ndjekur dhe ka marrë pjesë gjithashtu në konferenca të ndryshme shkencore, të cilat lidhen me fushën e saj kërkimore.

Kontakt: saimira.gjapi@kulogos.edu.al
Download CV

Google Scholar
Academia

MSc. (Dr. Proc) Marinela Pane

Marinela Pane është një profesioniste me përvojë në fushën e punës sociale dhe lektore në Degën e Punës Sociale, Fakulteti i Shkencave Humane dhe Komunikimit Linguistik,Kolegji Universitar Logos, si dhe lektore në Departamentin e Politikës Sociale dhe Punës Sociale, Fakulteti i Shkencave Sociale, Universiteti i Tiranës. Përvoja e saj e gjerë në këtë fushë, kryesisht në sektorin jo-fitimprurës, i mundëson asaj të ofrojë studentëve kuptime praktike dhe shembuj realë, duke e pasuruar kështu përvojën e tyre të mësimit.

Marinela Pane ka kontribuar aktivisht në profesionin e punës sociale përmes hulumtimeve, botimeve dhe pjesëmarrjes në konferenca dhe workshope. Fokusi i mësimdhënies dhe hulumtimeve të saj është në tema si: Puna Sociale në Shëndetësi; Sociologjia e Shëndetit; Menaxhimi i Projekteve në Shërbimet Sociale; Shërbimet Sociale në Sistemin e Drejtësisë; Administrimi i Shërbimeve Sociale;Supervizimi i Shërbimeve Sociale. Gjithashtu, ajo ka qenë e angazhuar në projekte të ndryshme nga konceptimi deri në implementimin e tyre në drejtime të ndryshme, si ofrimi i shërbimeve, mbledhja e fondeve, ndihma në zhvillimin e kapaciteteve, si dhe lobimi dhe avokimi për grupet vulnerabël, si pacientët në fazën terminale, të moshuarit në nevojë dhe fëmijët me aftësi të kufizuara.

Dr. Valbona Keçi

Dr. Valbona Keçi, e lindur në vitin 1972 në Durrës, është diplomuar në Ciklin e Ulët në Universitetin “Aleksandër Xhuvani”, ku vendosi themelet e formimit të saj profesional në fushën e edukimit. Pas përfundimit të studimeve bazë, ajo ka vijuar me studimet master në fushën e Didaktikës, duke u specializuar në metodologjitë bashkëkohore të mësimdhënies dhe proceset e zhvillimit pedagogjik. Në vijim ka përfunduar edhe studimet e doktoraturës në Pedagogji–Psikologji, duke u profilizuar në psikologjinë e të nxënit dhe zhvillimin profesional të mësuesve.

Me mbi 30 vite përvojë në arsim, Dr. Keçi ka punuar në role të ndryshme edukative si mësuese, trajnere, specialiste dhe studiuese, duke ndërtuar një karrierë të gjerë dhe të qëndrueshme profesionale. Ajo ka kontribuar ndjeshëm në hartimin e kurrikulave shkollore, zhvillimin e standardeve mësimore, metodologjitë e vlerësimit dhe implementimin e praktikave moderne pedagogjike.

Në rolin e saj si lektore, Dr. Keçi ka mbajtur leksione dhe seminare në fusha që përfshijnë pedagogjinë, psikologjinë e edukimit, didaktikën, metodologjinë e kërkimit dhe zhvillimin profesional të mësuesve. Ajo ka marrë pjesë në projekte shkencore kombëtare dhe ndërkombëtare, është autore dhe bashkautore artikujsh akademikë, si dhe ka prezantuar në konferenca universitare brenda dhe jashtë vendit.

E njohur për profesionalizmin, përkushtimin dhe qasjen bashkëkohore ndaj procesit mësimor, Dr. Valbona Keçi vazhdon të japë një kontribut të rëndësishëm në zhvillimin e shkencave të edukimit në Shqipëri.

Dr. Thodhori Qesko

Dr. Thodhori Qesko është pedagog në Kolegjin Universitar “Logos”, pranë Fakultetit të Shkencave Humane. Ai ka përfunduar studimet bachelor në Fakultetin e Shkencave të Edukimit, Departamenti i Pedagogjisë për Arsimin Fillor në Universitetin e Janinës, ndërsa studimet master i vijoi në Universitetin Aristoteli të Selanikut, në programin “Teologji dhe Kulturë”, me drejtim Histori, Letërsi, Arkeologji dhe Art, dhe specializim në Literaturën e Krishterë.

Studimet doktorale i ka përfunduar në Universitetin Aristoteli të Selanikut me një kërkim origjinal historik, arkivor dhe paleografik, të vlerësuar me “Shkëlqyeshëm me dallim, cum laude”.

Përveç angazhimit universitar, Dr. Qesko ka një përvojë të gjerë dhe të konsoliduar në fushën e arsimit parauniversitar. Ai ka shërbyer si mësues dhe si Drejtor i Shkollës së Mesme të Përgjithshme “Fryma e Dashurisë” në Gjirokastër, ndërsa ka mbajtur edhe detyrën e Drejtorit të Përgjithshëm të shkollave “Fryma e Dashurisë” (arsimi 9-vjeçar dhe gjimnaz). Nën drejtimin e tij, institucionet arsimore, ndër të tjera, janë përfshirë në mënyrë aktive në projekte bashkëpunimi ndërkombëtar, veçanërisht në programet e Komisionit Evropian përmes platformës eTwinning dhe iniciativave Erasmus+, duke marrë vlerësime për cilësinë pedagogjike dhe inovacionin në mësimdhënie.

Gjithashtu ka shërbyer si Përgjegjës i Qendrës së Gjuhës Greke në Gjirokastër, në varësi të Ministrisë së Arsimit dhe Feve të Greqisë (2016–2024).

Interesat e tij kërkimore përqendrohen në studimin e traditës tekstuale me karakter hagjiologjik dhe pedagogjik; në historinë, kulturën dhe letërsinë brenda kontekstit bizantin, pasbizantin dhe bashkëkohor; si edhe në fushën e kërkimeve të dorëshkrimeve dhe traditave arsimore. Ai është autor i monografisë Shenjtorët e Kishës Orthodhokse Autoqefale të Shqipërisë (Selanik, 2018) dhe bashkautor në studime të botuara në vëllime shkencore ndërkombëtare. Ka marrë pjesë në konferenca, trajnime dhe seminare me karakter pedagogjik, historik, dhe gjuhësor.

Flet shqip dhe greqisht si gjuhë amtare dhe zotëron shumë mirë gjuhën angleze.