Projektet

Perspektiva e projekteve

Projekti OASIS

Kolegji Universitar LOGOS ka kënaqësinë t'ju njoftojë se do të marrë pjesë në një projekt të ri të quajtur OASIS. Projekti synon të zhvillojë dhe të ndajë aftësitë mbështetëse në fushën e shkencës së hapur (Open Science) për të nxitur transformimin dixhital dhe zhvillimin e qëndrueshëm të BE-së. Projekti lehtëson adoptimin e teknologjive OS në arsim përmes aplikimeve praktike, trajnimeve dhe aktiviteteve supervizuese për menaxhimin e problemeve reale arsimore të orientuara drejt punës, me qëllim rritjen e transparencës në pronësinë intelektuale.

Projekti do të financohet nga iniciativa e IAL-ve në kuadrin IEIT: Ngritja e Kapaciteteve Inovative për Arsimin e Lartë. Kjo nismë e Institutit Evropian të Inovacionit dhe Teknologjisë (IEIT) synon të rrisë kapacitetin sipërmarrës dhe inovativ të institucioneve të arsimit të lartë (IAL) në të gjithë Evropën. Përfshirja e organizatave joakademike si [emrin e kompanisë] është një pjesë e rëndësishme e nismës, pasi krijon sinergji të rëndësishme midis industrisë dhe IAL-ve.

Si pjesë e këtij projekti, ne do të punojmë së bashku me partnerët e mëposhtëm:

UNIVERSITETI I PELOPONEZIT - drejtuesi i projektit
KOLEGJI UNIVERSITAR LOGOS
UNIVERSITA DEGLI STUDI DI CAMERINO
UNIVERSITETI I SOFJES "SHEN KLIMENT OHRIDSKI"
FORUM EVROPIAN I ARSIMIT DHE TRAJNIMIT TEKNIK DHE PROFESIONAL
ATHINA RC / INSTITUTI I SISTEMIT INDUSTRIAL
KOMPANIA PRIVATE e INFORMACIONIT DHE E SISTEMEVE E TELEKOMUNIKIMIT INTELLIA
AI 4 SKILLS SRL - SOCIETA BENEFIT
MeXoXo - PARTNER I ASOCIUAR

Sipas Iniciativës së IAL IEIT, projekti do të marrë financim prej 3ooK€ dhe do të zgjasë deri në dhjetor 2022, me mundësi zgjatjeje edhe për 18 muaj të tjerë.

Qëndroni në pritje për më shumë informacion rreth këtij projekti në muajt në vijim!

Rreth Nismës IEIT-IAL

Iniciativa e IAL EIT është një objektiv kyç për Institutin Evropian të Inovacionit dhe Teknologjisë si pjesë e sttategjisë së tij të re. Nisma synon të mbështesë IAL-të me ekspertizë dhe trainim, akses në ekosistemin e inovacionit IEIT, përfshirë financimin, duke u mundësuar atyre të zhvillojnë plane veprimi për inovacionin që plotësojnë nevojat e IAL-ve individuale. Kjo është thirrja e dytë për propozime për pjesëmarrje në IAL IEIT, pas suksesit të saj në thirrjen e fundit 2021. Deri më tani, nisma ka siguruar financim për afro 50 projekte. Thirrja e radhës për propozime pritet në fund të vitit 2022.

Rreth IEIT

IEIT forcon aftësinë e Evropës për të inovuar duke fuqizuar zgjidhjet për sfidat urgjente globale dhe duke ushqyer talentin sipërmarrës për të krijuar rritje të qëndrueshme dhe vende pune tpër më të aftët në Evropë. IEIT është një organ i BE-së dhe një pjesë integrale e projektit Horizon Europe, Programi kyç i BE-së për kërkim dhe inovacion. Instituti mbështet partneritete dinamike ndërevropiane, shkëmbim ndërmjet komuniteteve akademike në mbarë Europën etj.

Kolegji Universitar LOGOS merr pjesë në takimin fillestar të projektit MAGNET

Kolegji Universitar LOGOS merr pjesë në takimin fillestar të projektit Nr. 101083006, ERASMUS+ KA-2, Ngritja e Kapaciteteve në Arsimin e Lartë, i titulluar MAGNET (Fuqizimi Menaxherial dhe Qeverisës përmes të Mësimdhënies dhe të Nxënit) që u mbajt më 16 dhe 17 shkurtër 2023 pranë Universitetit Demokrit të Trakës në qytetin e Aleksandrupolit në Greqi. Dekani i Fakultetit të Shkencave Humane dhe Komunikimit Gjuhësor, Prof. Asoc. Dr. Konstantinos GIAKOUMIS dhe Dr. Valbona Nathanaili, anëtare e Departamentit të Pedagogjisë dhe Psikologjisë, si përfaqësues e LOGOS u angazhuan në procesin e reflektimit dhe organizimit të veprimtarisë së projektit.

Projekti ERASMUS+ KA-2, Ngritja e Kapaciteteve në Arsimin e Lartë, i titulluar MAGNET synon të rrisë ndërgjegjësimin dhe strukturat për zhvillimin e pedagogjisë universitare. Pedagogjia Universitare, e zhvilluar kryesisht me anë të funksionimit të Qendrave për Mësimdhënien dhe të Nxënit (Centres for Teaching and Learning - CTL), është shtyllë kryesore për aktualizimin e Hapësirës Evropiane e Arsimit të Lartë. Projekti MAGNET synon të zhvillojë një rrjet për Pedagogjinë Universitare në Ballkanin Perëndimor përmes transferimit të dijes nga shtete me Qendra funksionale për Mësimdhënien dhe të Nxënit te të gjithë shtetet e institucioneve partnerë. Objektivat kryesore përfshijnë transferimin e dijeve dhe e përvojave, krijimin e CTL-ve, gjenerimi i materialeve arsimore (MOOC) dhe një rrjeti i qëndrueshëm Ballkanik për Pedagogjinë Universitare (Balkan Network for University Pedagogy - BalkanNetUP).

Kolegji Universitar “LOGOS” bashkëpunon në gjithë aspektet e projektit të kryesuar nga Universiteti Demokrit i Trakës, por kryeson Paketën IV të Punës lidhur me Garantimin e Cilësisë. Përfshirja e LOGOS në projekte evropiane është inkuadruan në planin strategjik për ndërkombëtarizimin e institucionit.

Përmirësimi i menaxhimit dhe qeverisjes së institucioneve të arsimit të lartë për një mësimdhënie më të mirë

Ndërkombëtarizmi është një nga synimet e Kolegjit Universitar “LOGOS”. Në këtë kuadër, në sallën e amfiteatrit, më datë 3 mars 2023, në prani të drejtuesve të universitetit, stafit akademik e administrativ, u prezantua projekti “Magnet”, bashkë-financuar nga Bashkimi Evropian, fituar në kuadër të thirrjes ERASMUS+ KA-2 për ngritjen e kapaciteteve në arsimin e lartë. Në këtë projekt, Kolegji Universitar “LOGOS” bashkëpunon në të gjithë aspektet e projektit të kryesuar nga Universiteti Demokrit i Trakës, por kryeson Paketën IV të Punës lidhur me Garantimin e Cilësisë.

Projekti “MAGNET” (Fuqizimi Menaxherial dhe Qeverisës përmes të Mësimdhënies dhe të Nxënit) fokusohet në ngritjen e strukturave për zhvillimin e pedagogjisë universitare dhe modernizimin e metodave të mësimdhënies, përmes transferimit të dijes nga shtete me Qendra funksionale për Mësimdhënien dhe të Nxënit te të gjithë shtetet e institucioneve partnerë, si dhe synon krijimin e rrjetit të institucioneve të arsimit të lartë në Ballkan, BalkaNetUP (Balkan Network for University Pedagogy). Kolegji Universitar “LOGOS” bashkëpunon në gjithë aspektet e projektit të kryesuar nga Universiteti Demokrit i Trakës, por kryeson Paketën IV të Punës lidhur me Garantimin e Cilësisë.

Në këtë projekt bashkëpunojnë 12 universitete, nga tetë vende: Greqia, Shqipëria, Kosova, Mal i Zi, Serbia, Bullgaria, Maqedonia e Veriut dhe Bosnje-Hercegovina.

Dekani i Fakultetit të Shkencave Humane dhe Komunikimit gjuhësor, Prof. Asoc. Konstantinos Giakoumis, koordinator për projektet, dhe pedagogia e departamentit të pedagogji-psikologjisë, Dr. Valbona Nathanaili, parashtruan përpara kolegëve paketat e punës për secilin projekt, rëndësinë e përfshirjes, si dhe ndikimin pozitiv që ka angazhimi i LOGOS në projekte ndërkombëtare, si partner ose drejtues rrjeti, në realizimin e objektivave institucionalë.

Përfshirja e LOGOS në projekte evropiane është në planin strategjik për ndërkombëtarizimin e institucionit.

Rritja e mobiliteve ndërkombëtare për stafin akademik dhe studentët, përmes forcimit të zyrave të marrëdhënieve me jashtë në institucionet e arsimit të lartë të Ballkanit Perëndimor

Kolegji Universitar LOGOS udhëheq rrjetin e universiteteve partnere për zbatimin e projektit “ROAMING”.

Projekti “ROAMING” (Rritja e mobiliteve ndërkombëtare për stafin akademik dhe studentët, përmes forcimit të zyrave të marrëdhënieve me jashtë në institucionet e arsimit të lartë të Ballkanit Perëndimor) fokusohet në rritjen e kapaciteteve të studentëve, stafit akademik e administrativ për të aplikuar e përfituar nga mundësitë që jep programi Erasmus+. Projekti do të kontribuojë gjithashtu në forcimin e zyrave për marrëdhënie me jashtë në institucionet e rajonit, partnere të LOGOS në këtë projekt, fillimisht përmes një analize të nevojave e kërkesave dhe më pas duke kaluar në veprime konkrete. Takimi i parë në kuadër të projektit do të mbahet në mjediset e LOGOS, më datat 22 -25 mars. Në këtë projekt bashkëpunojnë 7 universitete, nga pesë vende: Greqia, Shqipëria, Kosova, Maqedonia e Veriut dhe Mali i Zi.

Përfshirja e LOGOS në projekte evropiane është në planin strategjik për ndërkombëtarizimin e institucionit.

Projekti EARLY

Projekti - Vlerësimi, Identifikimi dhe Zvogëlimi i përcaktuesve të kushteve të shëndetit mendor tek të rinjtë (EARLY) ku Kolegji Universitar LOGOS është një prej 19 partnerëve implementues të këtij projekti, me mbështetjen financiare të Bashkimit Evropian, sipas Kontratës së Grantit Nr. 101095392.

Projekti EARLY synon të zvogëlojë barrën e sëmundjeve jo komunikuese siç janë kushtet e shëndetit mendor, veçanërisht depresioni, ankthi, çrregullimet e stresit, çrregullimet e përdorimit të substancave dhe të identifikojë dhe reduktojë ekspozimet e modifikueshme të rrezikshme për këto kushte tek të rinjtë. EARLY do të ndjekë këtë qëllim përmes zhvillimit të një matrice gjithëpërfshirëse ekspozimi e cila mund të përshtatet me rreziqet e reja që shfaqen, për të kuptuar perceptimet e të rinjve, prindërve dhe palëve të interesuara, ne do të kryejmë intervista cilësore, duke ofruar të dhëna përfaqësuese, shumëkombëshe për kushtet e shëndetit mendor të të rinjve dhe duke zhvilluar, zbatuar dhe vlerësuar një ndërhyrje me shumë komponente. Ky do të shërbejë si një model inovativ për promovimin e shëndetit mendor dhe parandalimin e kushteve të shëndetit mendor. EARLY është një studim me metoda të përziera që kombinon metodat cilësore dhe sasiore. Për të ofruar një pasqyrë të masave të shëndetit mendor të të rinjve, ne do të rishikojmë masat, për të ofruar të dhëna për faktorët e ekspozimit dhe nëse vlerësimet e ekspozimit ndryshojnë sipas vendit, moshës dhe gjinisë, ne do të rishikojmë studimet dhe do të identifikojmë dhe bashkojmë të dhënat e disponueshme për shëndetin mendor të të rinjve; për të ofruar njohuri mbi perceptimet, ne do të zhvillojmë fokus grupe me përdoruesit fundorë. Për të siguruar të dhëna përfaqësuese për kushtet e shëndetit mendor të të rinjve, ne do të kryejmë një anketë ndërseksionale, të cilat janë të dhënat bazë për ndërhyrjen pilot me shumë komponentë në pesë vende të përzgjedhura. Për të siguruar të dhëna mbi efektivitetin dhe qëndrueshmërinë e ndërhyrjeve për të reduktuar kushtet e shëndetit mendor, ne do të kryejmë një ndërhyrje me shumë komponente. Rezultatet do të jenë a) modeli i shëndetit mendor të të rinjve, b) një matricë ekspozimesh, c) njohuri dhe kuptime mbi perceptimet e përdoruesve fundorë për shëndetin mendor të të rinjve, d) njohuri mbi shërbimet për përdorim në rajonin evropian dhe identifikimin e nevojave; e) të dhëna përfaqësuese për shëndetin mendor të të rinjve, të cilat mund të aksesohen lehtësisht nga studiuesit dhe politikëbërësit; f) të dhëna për efektivitetin dhe qëndrueshmërinë e ndërhyrjeve për të reduktuar si ekspozimet ashtu edhe kushtet e shëndetit mendor tek të rinjtë dhe në fund g) reduktimin e rrezikut të sëmundjeve jo komunukuese në adoleshencë dhe në rini.

Anëtarësia në Konsorcium:

HOCHSCHULE EMDEN/LEER (HS EL),
KOLEGJI UNIVERSITAR LOGOS,
UNIVERSITETI I MJEKESISE TIRANE (UMT),
ASSOCIATION OF SCHOOLS OF PUBLIC HEALTH IN THE EUROPEAN REGION (ASPHER),
GLOBAL ALLIANCE OF MENTAL ILLNESS ADVOCACY NETWORKS EUROPE AISBL (GAMIAN),
UNIVERSITÉ LIBRE DE BRUXELLES (ULB),
TECHNISCHE UNIVERSITAET MUENCHEN (TUM),
UNIVERSITETI I TEL AVIVIT (TAU),
UNIVERSITA DEGLI STUDI DI CAGLIARI (UNICA)
SOCIETATEA PSIHIATRILOR, NARCOLOGILOR, PSIHOTERAPEUTILOR SI .PSIHOLOGILOR CLINICIENI DIN REPUBLICA MOLDOVA (SPNPPC),
EUROPEAN PUBLIC HEALTH ASSOCIATION (EUPHA),
GDANSKI UNIWERSYTET MEDYCZNY (GUMED),
INSTITUTO DE SAUDE PUBLICA DA UNIVERSIDADE DO PORTO (ISPUP),
UNIVERSITATEA DE MEDICINA SI FARMACIE DIN CRAIOVA (UMFCV),
UNIVERSITET U NOVOM SADU MEDICINSKI - FAKULTET SA POTPUNOM .ODGOVORNOSCU (UNS-MF),
STICHTING WONCA EUROPE (WONCA EUROPE),
FUNDACION PRIVADA INSTITUTO DE SALUD GLOBAL BARCELONA (ISGLOBAL),
UNIVERSITETI AUGSBURG (UAU)

Kohëzgjatja e Projektit: 48 Muaj (01.12.2023-30.11.2027)

DiLanEdu-WB

Transformimi Dixhital në Studimin e Gjuhës dhe në Edukim në Ballkanin Perëndimor
ERASMUS+ CBHE (2024) Projekti Nr. 101179642

Përmbledhje e Projektit

Në Epokën Dixhitale, meqenëse fëmijët kalojnë gjithnjë e më shumë kohë në botën dixhitale në kurriz të kohës së kaluar në ndërveprim fizik me fëmijët e tjerë, dixhitalizimi i mësimit të gjuhës është i domosdoshëm për të përmirësuar komunikimin oral, aftësitë gjuhësore dhe për të reduktuar ankthin në detyrat e të folurit. Nevoja për të integruar metodat dhe mjetet dixhitale në edukimin dhe studimin e gjuhës është identifikuar në Ballkanin Perëndimor, ku janë zhvilluar strategji për transformimin dixhital duke vendosur kompetencat dixhitale si një qëllim kryesor në transformimin e sistemeve të tyre arsimore. Problemet e zakonshme të identifikuara përfshijnë kualifikimin e pamjaftueshme të mësuesve, përfshirë edhe mësuesve të gjuhës, për të integruar mjetet dhe metodat dixhitale në procesin e mësimdhënies dhe të nxënit, si dhe mungesën e përmbajtjes dixhitale të përshtatshme në gjuhët e Ballkanit Perëndimor.

Për këtë arsye, ky projekt synon të përmirësojë cilësinë e edukimit të gjuhës në Zonën e Arsimit të Lartë të Ballkanit Perëndimor duke forcuar kurikulat e trajnimit të mësuesve të gjuhës së IAL-ve pjesëmarrëse me TIK. Projekti do të krijojë dhe operacionalizojë laboratorë të specializuar. Objektivat e veçanta të projektit janë si më poshtë: A. Përditësimi dhe përmirësimi i kurikulave ekzistuese për të përfshirë metodat dhe mjetet dixhitale në mësimdhënien, të nxënit dhe kërkimin gjuhësor në transformime të reja dhe inovative të disiplinave të vjetra (p.sh., gjuhësia kompjuterike) dhe zhvillimi i programeve të trajnimit të kredencialeve të reja për mësuesit e arsimit parauniversitar në të njëjtën disiplinë. B. Krijimi ose përmirësimi i laboratorëve të specializuar të metodave dhe mjeteve dixhitale në mësimdhënien, të nxënit dhe kërkimin gjuhësor. C. Krijimi i një rrjeti institucionesh dhe individësh që ndajnë interesa të ngjashme në përdorimin dhe promovimin e mjeteve dixhitale në mësimdhënien dhe të nxënit e gjuhëve, si dhe në kërkimin shkencor gjuhësor. Projekti do të zhvillojë kapacitete në tre drejtime kryesore:

Edukimi dixhital gjuhësor.
Mësimdhënia dhe të nxënit e kompetencave gjuhësore dhe ndërkulturore në një mjedis dixhital.
Transformimi dixhital në analizën e ligjeratës.

Partnerët e Projektit

Kolegji Universitar Logos, Shqipëri, Koordinator.
Universiteti i Tiranës, Shqipëri, Partner.
Universiteti "Eqrem Çabej" i Gjirokastrës, Shqipëri, Partner.
Universiteti i Banja Lukës, Bosnjë dhe Hercegovinë, Partner.
Universiteti i Sarajevës, Bosnjë dhe Hercegovinë, Partner.
Universiteti i Prishtinës, Kosovë, Partner.
Universiteti “Isa Boletini” i Mitrovicës, Kosovë, Partner.
Universiteti Mesdhetar i Podgoricës, Mal i Zi, Partner.
Universiteti i Maqedonisë Perëndimore, Greqi, Partner.
Universiteti OTTO-VON-GUERICKE i Magdeburgut, Gjermani, Partner.
Shkolla Britanike e Tiranës, Shqipëri, partner i asociuar.
Shkolla Faik Konica, Kosovë, partner i asociuar.
Kopshti "Trol", Bosnjë dhe Hercegovinë, partner i asociuar.
Shkolla e Mesme “Miloje Dobrasinovic”, Mal i Zi, partner i asociuar.
TESSERA Information Systems Ltd., Greqi, partner i asociuar.

WB-Edu4Migration

Zbutja e Sfidave të Migracionit në Ballkanin Perëndimor:
Kapërcimi i Hendekut të Aftësive për Ofruesit e Kujdesit Social përmes Përmirësimit të Kurikulës dhe Zhvillimit të Mikrokredencialeve
ERASMUS+ CBHE (2024) Projekti Nr. 101179745

Përmbledhje e Projektit

Propozimi i projektit bazohet në njohjen e një hendeku kritik në kompetencat e punonjësve socialë në Kosovë dhe në Shqipëri, veçanërisht në lidhje me aftësinë e tyre për të mbështetur në mënyrë efektive popullatat migrante. Megjithë rëndësinë në rritje të trajtimit të çështjeve të migracionit brenda këtyre vendeve, institucionet arsimore që ofrojnë programe për punën sociale ende nuk kanë përfshirë plotësisht kurse të plota mbi studimet e migracionit dhe temat e lidhura me to. Ky hendek arsimor pengon aftësinë e punonjësve socialë për të kuptuar dhe trajtuar sfidat unike me të cilat përballen popullatat migrante, duke kërkuar ndërhyrje të mirësynuara për të kapërcyer këtë hendek. Qëllimi kryesor i projektit është të përmirësojë kompetencat e studentëve dhe punonjësve socialë në Kosovë dhe Shqipëri për të mbështetur më mirë popullatat migrante. Kjo do të arrihet përmes një qasjeje me shumë faza që përfshin reformën arsimore, zhvillimin e kurseve dixhitale të mikrokredencialeve dhe nismat e vazhdueshme të ndërtimit të kapaciteteve. Duke adresuar nevojat për trajnimin themelor dhe atë të vazhdueshëm, projekti synon të fuqizojë punonjësit socialë të ardhshëm dhe aktualë me njohuritë, aftësitë dhe burimet e nevojshme për të shërbyer në mënyrë efektive komunitetet migrante dhe për të ndërmjetësuar për nevojat e tyre brenda profesionit të punës sociale. Suksesi i projektit do të sjellë përfitime të rëndësishme: kurikulat e përmirësuara të arsimit të lartë do të përgatisin më mirë punonjësit socialë të ardhshëm për të mbështetur popullatat migrante, ndërsa kurset dixhitale të mikrokredencialeve do t'u ofrojnë punonjësve socialë në profesion mundësi fleksible për zhvillim profesional. Punonjësit socialë të fuqizuar do të ofrojnë mbështetje gjithëpërfshirëse për migrantët, duke promovuar praktikat gjithëpërfshirëse dhe rezultatet pozitive për të dyja palët, migrantët dhe komunitetet pritëse në Kosovë dhe Shqipëri.

Partnerët e Projektit

Kolegji AAB, Kosovë, Koordinator.
Kolegji Ndërkombëtar i Biznesit Mitrovicë, Kosovë, Partner.
Universiteti “FEHMI AGANI” i Gjakovës, Kosovë, Partner.
Instituti për Kërkime, Edukim dhe Zhvillim Social, Kosovë, Partner.
Universiteti i Tiranës, Shqipëri, Partner.
Universiteti “Marin Barleti,” Shqipëri, Partner.
Kolegji Universitar Logos, Shqipëri, Partner.
Instituti i Kulturës Rome në Shqipëri, Partner.
UCL Erhvervsakademi & Professionshojskole SI, Danimarkë, Partner.
Fachhochschule Salzburg GMBH, Austri, Partner.
Libera Universita di Lingue e Comunicazione IULM, Itali, Partner.