Personeli Akademik
Departamenti i Theologjisë dhe Kulturës
PhD Georgois Gaitanos
Biografia:
Dr. Georgios Gaitanos punon si Lektor i Studimeve Religjioze dhe është Drejtori i Departamentit të Theologjisë dhe Kulturës të Kolegjit Universitar “Logos”, Tiranë.
Ai ka studiuar Theologji, Studimin e Religjionit dhe Antropologjinë Sociale në Universitetin “Aristotel” të Selanikut dhe Këshillim në Shkollën e Arsimit Pedagogjik dhe Teknologjik (Aspete). Për momentin, ai po punon me disa programe kërkimi studimor të Fakultetit të Theologjisë nëpërmjet Komitetit të Kërkimit Studimor dhe Institutit të të Nxënit të Përjetshëm të Universitetit “Aristotel”.
Interesi i tij kryesor akademik është teoria e studimeve religjioze dhe ekspertiza e tij është kërkimi studimor i kategorive të reja të Studimit të Religjionit.
Email:
george.gaitanos@kulogos.edu.al
Shkarko CV
Google Scholar
Academia
ResearchGate
Dr. Stephanos Ritsi
Biografia:
Ka lindur në Boston, USA në 1985. Në 2008 ka fituar diplomë Bachelor në Arte në Shkencat Politike në Universitetin e Floridas. Ka kryer Master në Theologji në Holy Cross, Brookline, Massachusetts, USA dhe është certifikuar për Misionet Ndërkombëtare dhe Ekumenizëm në 2012 nga Instituti Theologjik i Bostonit. Në Tetor të 2021 ka përfunduar doktoraturën në Homilitikë pranë Fakultetit të Theologjisë në Universitetin “Aristotel” të Selanikut.
Përgjatë viteve 2015-2019 dhe 2021-2022 ka dhënë mësim në Akademinë Teologjike “Ngjallja e Krishtit në Shën Vlash, Durrës, në Misionarizëm dhe Edukim të Krishterë. Nga viti 2021 e në vazhdim është Lektor në Departamentin e Theologjisë dhe Kulturës të Kolegjit Universitar Logos ku mbulon lëndët “Dëshmi e Orthodhoksisë në botën moderne”, “Histori e Religjioneve në Shqipëri” (programet Bachelor dhe Master Shkencor në Turizëm Religjioz), “Këshillim II, për të rinjtë dhe adoleshentët” si edhe “Dialogu Ndërfetar” në programin Master Profesional në Theologjia Sociale dhe Praktike.
Dr. Ritsi nga viti 2013 e në vazhdim është misionar i qendrës OCMC. Në 2013 – 2018 ka shërbyer si koordinator i zyrës së të rinjve në kryepiskopatën e Kishës Orthodhokse Autoqefalë të Shqipërisë. Nga viti 2019 mban gradën e priftërisë.
Është prezantues dhe publikues i një sërë artikujve me në qendër misionin orthodhoks.
Email:
stephanos.ritsi@kulogos.edu.al
Shkarko CV
PhD Jeffrey MacDonald
Biografia:
Profesor Macdonald mëson Histori Kishe dhe Patrologji në Universitetin e Logosit. Ai ka qenë më parë profesor i Historisë së Kishës dhe Dhiatës së Vjetër në Seminarin Theologjik Orthodhokse Shën Hermanit në Koadiak, Alaska.
Ka studiuar për Studimet mbi Krishtërimin e Hershëm në Universitetin Katolik Amerikan në Washington DC, dhe për Theologji Orthodhokse pranë Seminarit Theologjik Orthodhoks të Shën Vladimirit në Nju Jork, Studime Biblike si dhe Arkeologji të Lindjes së Afërme në Kolegjin Wheaton në Illinois.
Hulumtimet e tij janë përqendruar mbi Kristologjinë e Sinodeve Ekumenike dhe përgjigja e Kishës ndaj skolasticizmit Mesjetar.
Email:
jeffrey.macdonald@kulogos.edu.al
Shkarko CV
Dr. Thoma Shkira
Biografia:
Lektor Dr. Thoma Shkira, lindur nё Korçё, mё 15 Prill 1984. Nё vitin 2009 ёshtё diplomuar me “Shkёlqyer” nё Universitetin Kombёtar Kapodistria tё Athinёs nё degёn Theologji Sociale. Nё vitin 2022 fitoi titullin shkencor Doktor i Shkencave me vlerësimin “Shumë mirë”, specialiteti Histori nё Fakultetin e Histori – Filologjisё, Universiteti i Tiranёs.
Qё prej vitit 2009 e nё vazhdim angazhohet si pedagog nё Akademinё Teologjike ‘Ngjallja e Krishtit’, Shën Vlash Durrës mbi Historinё e Artit dhe Hagjiologjinë dhe qё prej vitit 2018 si pedagog i Departamentit të Theologjisë dhe Kulturës nё Kolegjin Universitar “Logos”. Ka objekt studimi: Trashёgiminё Religjioze dhe Kulturore tё Monumenteve; Historikun e Bashkësisë Orthodhokse në Shqipëri dhe përndjekjen e figurave klerike dhe laike në Komunizëm. Pjesёmarrёs dhe referues nё takime ndёrfetare dhe konferenca shkencore brenda dhe jashtё vendit.
Email:
thoma.shkira@kulogos.edu.al
Shkarko CV
MSc. (Dr. Proc) Thoma Çomëni
Biografia:
Thoma Çomëni është teolog dhe pedagog me përvojë të gjerë në mësimdhënie, si edhe në fushën e teologjisë praktike dhe etikës. Ai ka kryer studimet universitare dhe masterin në Fakultetin e Teologjisë të Universitetit “Aristotelio” në Selanik, ku vijon aktualisht edhe studimet doktorale.
Nga viti 2004 deri në vitin 2019 ka shërbyer si pedagog në Akademinë Teologjike “Ngjallja e Krishtit” në Shën Vlash, si edhe si predikues i rregullt në Kishën “Apostull Pavli & Shën Asti” në Durrës. Që prej vitit 2018 është asistent lektor në Departamentin e Teologjisë dhe Kulturës në Kolegjin Universitar Logos. Ai ka kontribuar gjithashtu në programe edukative, rinore dhe baritore, si edhe në media me karakter teologjik.
Thoma Çomëni është autor dhe bashkëpunëtor në përkthimin e teksteve universitare të teologjisë biblike, etikës së krishterë dhe teologjisë praktike. Ka qenë referues në disa konferenca shkencore. Artikujt e tij shkencorë janë botuar në revista të ndryshme, veçanërisht në revistën Theology and Culture, duke trajtuar tema të etikës së krishterë, bioetikës dhe rolit të Kishës në shoqërinë bashkëkohore.
Fushat e tij kërkimore përfshijnë teologjinë praktike, etikën e krishterë, bioetikën, teologjinë biblike dhe studimet mbi jetën dhe organizimin e komuniteteve kishtare.
Email:
thoma.comeni@kulogos.edu.al
Shkarko CV
Motër Rakela
Biografia:
Motër Rakela, sipas gjendjes civile Anila Dervishi, është murgeshë në Skitin e Miroprurëseve të Shenjta të Manastirit të Shën Vlashit, Durrës. E lindur në 2 Tetor 1977 në Përrenjas në një familje ushtarake, në moshën 5-vjeçare transferohet në Elbasan për një periudhë kohore prej 14 vjetësh.
Në këtë qytet përfundon përveç të mesmes së përgjithshme, edhe një vit të arsimit të lartë, në Universitetin Aleksandër Xhuvani të Degës Gjuhë - Letërsi. Në vitin 1997 largohet për në Greqi, për një periudhë tjetër 14-vjeçare, ku do të përfundojë studimet e saj universitare dhe pasuniversitare në Universitetin Kombëtar, 'Kapodhistrias' të Athinës në Fakultetin e Theologjisë, dega Theologji.
Ndërkohë, dorëzohet murgeshë në Manastirin e Hirshëm të Foshnjave të Shenjta në Inoi, Atikis. Në vitin 2011 transferohet sërish në Shqipëri në Manastirin e Shën Vlashit, Durrës, për të shërbyer dhe ushtruar jetën e saj murgërore.
Më 2017 fillon të japë mësim në Shkollën e Muzikës Bizantine në lidhje me studimet e saj, të cilat i vazhdon në 2018 në Departamentin e Theologjisë dhe Kulturës të Kolegjit Universitar “Logos”. Përveç të tjerave merret edhe me përkthime të teksteve liturgjikë, studimin e muzikës bizantine, etj.
Email:
sister.rachel@kulogos.edu.al
Shkarko CV
Msc. Emanuel Lusha
Biografia:
At Emanuel Lusha ka lindur në 1974. Është diplomuar pranë Fakultetit të Histori Filologji, Universiteti i Tiranës në vitin 1996. Më pas ka kryer studimet teologjike në Akademinë Teologjike “Ngjallja e Krishtit”, Shën Vlash, Durrës (1996-1999). Është angazhuar si mësues për mësimet e besimit orthodoks me grupmosha të ndryshme dhe si coordinator i rinisë orthodhokse të Kavajës.
Në vitin 2002 është dorëzuar në dhjak dhe në vitin 2005 është dorëzuar në gradën priftërore në në Kryepeskopatën e Tiranës, ku drejton shërbesat kishtare, zhvillon punë baritore, veprimtari sociale në ndihmë të nevojtarëve dhe të sëmurëve.
Prej vitit 2003 është pedagog i Historisë së Kishës Orthodokse Autoqefale të Shqipërisë në Akademinë Teologjike “Ngjallja e Krishtit”. Nga viti 2007-2017 ka qenë mësues pranë Liceut Kishtar “Kryqi i Nderuar” Sukth, Durrës në lëndët Histori, Gjeografi dhe Besim Fetar.
Qё prej vitit 2018 është assistent lektor në Departamentin e Theologjisë dhe Kulturës nё Kolegjin Universitar “Logos” për lëndët “Histori e Kishës Orthodokse Autoqefale të Shqipërsë“,“Historia e Religjioneve në Shqipëri“ dhe “Lëvizja e Krishterë Ekumenike“.
Ai gjithashtu është anëtar bordi i Fondacionit “Fryma e Dashurisë“ ku mbulon çështjet e arsimit si dhe studiues në Arkivin Qendror të Shtetit dhe Arkivin e Ministrisë së Jashtme, në të gjitha fondet e arkivit që kanë lidhje me Kishën Orthodokse po jo vetëm.
Email:
emanuel.lusha@kulogos.edu.al
Shkarko CV
Dr. Georgios Keselopoulos
Biografia:
Dr. Georgios Keselopoulos është diplomuar nga Shkolla Theologjike e Universitetit “Aristotel” të Selanikut. Ai mban dy diploma pasuniversitare (Master) dhe një Doktoraturë (PhD) në Liturgjikë. Kohët e fundit doktoratura e tij u botua në dy vëllime me titull: “Riti i Proskomidhisë”, Kërkimi Studimor Liturgjik, Historiko-Theologjik (Shekulli VIII – XV). Ai është lektor në Departamentin e Theologjisë dhe Kulturës të Kolegjit Universitar “Logos”.
Ka marrë pjesë dhe ka bërë prezantime në shumë konferenca dhe ka botuar artikuj në revista shkencore. Ai ka një doktoraturë të dytë në Homilitikë në Universitetin “Aristotel” të Selanikut.
Email:
georgios.keselopoulos@kulogos.edu.al
Shkarko CV
Dr. Porfyrios Ntalianis
Biografia:
Ka lindur në Athinë në 1981. Dr. Porfyrios Ntalianis bën pjesë në Stafin Akademik Bashkëpunues të Shkollës Theologjike të Kishës së Qipros. Ai jep lëndë mbi Dhiatën e Vjetër në programin universitar të Theologjisë. Ka studiuar në Departamentin e Theologjisë të Universitetit të Athinës. Pas përfundimit të studimeve master, ai shkoi në Universitetin e Mynihut (Gjermani), ku ndoqi seminare biblike mbi Dhiatën e Vjetër dhe mbi gjuhët dhe kulturat që rrethojnë botën e Biblës. Më pas në Greqi, ai përfundoi doktoraturën dhe vazhdoi të jepte mësim mbi gjuhët e lashta lindore në fondacionin “Artos Zois”. Ai ka dhënë mësim mbi Dhiatën e Vjetër dhe hebraishten biblike në Departamentin e Theologjisë në Universitetin e Athinës, në City Unity College dhe në “Artos Zois”.
Prej vitit 2018 bashkëpunon me Departamentin e Theologjisë dhe Kulturës të Kolegjit Universitar Logos, si staf akademik i brendshëm ose i jashtëm në mësimdhënien e lëndëve Hyrje në Dhiatën e Vjetër, Studime mbi tekstet e Dhiatës së Vjetër, Theologjia e Biblës, Turizmi Religjioz dhe Arkeologjia Biblike.