Marketing i Produktit Bujqësor

Objektivat dhe veprimtaritë formuese të programit të studimit

Programi Profesional në Agrobiznes me profil “Marketing i Produktit Bujqësor” është program që ofrohet pas arsimit të mesëm. Ky program organizohet me 120 kredite ECTS, ofrohet me kohë të plotë, me kohëzgjatje akademike 2-vjeçare. Studimet në këtë program ofrohen në gjuhën shqipe. Ky program studimi i takon nivelit të 5-të të studimeve sipas Kornizës Shqiptare të Kualifikimeve. Në përfundim të studimeve lëshohet Diplomë Profesionale në Agrobiznes me profil “Marketing i Produktit Bujqësor”.

Misioni i Programit Profesional në Agrobiznes me profile “Menaxhim i Fermës Bujqësore” është formimi i specialistëve në sektorin e agrobiznesit. Ky program studimi ofron mundësi për t’u njohur në mënyrë konkrete me marketingun e produkteve bujqësore dhe proceset e agro-përpunimit.

Mundësitë e punësimit dhe të kualifikimit profesional

Ky program përgatit specialistë të aftë si sipërmarrës që mund të organizojnë biznese të vogla dhe të mesme private; t’i menaxhojnë ato, të marketojnë produktet bujqësore, të vendosin çmimet e produkteve bujqësore, të respektojnë të drejtat dhe detyrimet e biznesit, të përballojnë me sukses konkurrencën në fushë. Kjo diplomë i ndihmon studentët të punësohen në firmat rajonale dhe kombëtare të agrobiznesit dhe agjencitë e produkteve bujqësore.

Detajet e programit të studimit (Mund ti shkarkoni dhe në formantin .pdf në link-un e mëposhtëm)