Departamenti i Theologjisë dhe Kulturës i përket Fakultetit të Shkencave Humane të Kolegjit Universitar “Logos”. Ai ofron programin trevjeçar Bachelor në Theologji Sociale dhe Shkencat Religjioze, programin dyvjeçar Master i Shkencave në Turizëm Religjioz dhe programin njëvjeçar Master Profesional në Theologjinë Sociale dhe Praktike, të cilat janë unike në Arsimin e Lartë Shqiptar, të njohura nga shteti shqiptar dhe që funksionojnë sipas sistemit të Bolonjës. Fillimi zyrtar i Departamentit ishte në vitin akademik 2018-19. Emri i parë i Departamentit tonë ishte Departamenti i Theologjisë Sociale dhe Shkencës së Religjionit, por, një vit më vonë, Senati vendosi ta ndryshonte në Departamenti i Theologjisë dhe Kulturës. Studentët e Departamentit të Theologjisë dhe Kulturës mësojnë për theologjinë dhe besimin orthodhoks, si të përdorin disa teori moderne të shkencave humane dhe shoqërore për studimin e religjionit, si ta kuptojnë dhe vlerësojnë Theologjinë Orthodhokse nëpërmjet hulumtimit të gjerë mbi Studimet Biblike & Patristike, mbi Theologjinë e Krishterë, mbi historinë e religjioneve, mbi historinë dhe traditën e Kishës së Shqipërisë, mbi promovimin e trashëgimisë religjioze dhe të monumenteve arkeologjike të vendit, si të kryejnë hulumtime në nivel akademik në Shkencat Humane, si të shkruajnë dhe shprehin mendimin e tyre me mendim kritik, ndërkohë që u jepet mundësia të zhvillojnë aftësi të reja në gjuhë të huaja, informatikë, gazetari dhe media sociale. Për më tepër, personeli akademik i Departamentit tonë është i përqendruar në projekte shumë interesante kërkimore. Shumica e personelit tonë akademik merr pjesë në konferenca ndërkombëtare dhe kombëtare. Përveç kësaj, Departamenti boton libra dhe material të ri arsimor për studentët e tij. Në përgjithësi, fokusi kryesor i Departamentit për vitet në vijim do të jetë zhvillimi i Edukimit së Krishterë në Shqipëri, studimi i historisë religjioze dhe promovimi i trashëgimisë religjioze dhe të monumenteve të vendit. Zhvillimi i Forumit të Turizmit Religjioz në kontekstin e programit Master është një nga prioritetet kryesore të Departamentit. Përveç kësaj, Departamenti vijon me krijimin e bashkëpunimeve ndërkombëtare (Erasmus+) dhe synon ta vazhdojë punën me personelin ndërkombëtar nga disa Universitete Evropiane që do t'i ndihmojnë studentët tanë të zhvillohen më shumë. Në përgjithësi, vizioni ynë është të promovojmë studimet theologjike dhe religjioze në Shqipëri dhe të krijojmë një program të rëndësishëm Bachelor dhe programe Master që studentët, jo vetëm nga Shqipëria, të aplikojnë për Departamentin tonë, të studiojnë e prodhojnë punë kërkimore.