Programi i studimit “Bachelor në Greek Language and Civilization”është program i ciklit të parë të studimeve universitare. Ky program organizohet me 180 kredite ECTS, ofrohet me kohë të plotë, me kohëzgjatje akademike 3-vjeçare. Studimet në këtë program ofrohen në gjuhën greke. Ky program studimi i takon nivelit të 6-të të studimeve sipas Kornizës Shqiptare të Kualifikimeve. Në përfundim të studimeve lëshohet “Diplomë Bachelor në Greek Language and Civilization”.
Misioni i programit “Bachelor në Greek Language and Civilization” është të pajisë studentët me kompetencën e zotërimit të gjuhës greke, që u mundëson atyre komunikimin në kontekste të ndryshme gjatë karrierës; të njohë studentët me origjinën, zhvillimin, arritjet, vlerat e civilizimit grek; të aftësojë studentët të kuptojnë rolin dhe ndikimin e këtij civilizimi në zhvillimin e shoqërisë njerëzore; të zhvillojë te studentët kompetencën globale dhe ndërkulturore. Për realizimin e këtij misioni, programi parashikon thellime në fusha të tilla, si linguistika, letërsia, historia, kultura, etj.
Sistemi i njohurive që ofrohet nga ky program dhe aftësitë që fitojnë studentët nëpërmjet tij, u mundësojnë atyre të ndjekin një karrierë profesionale, akademike ose kërkimore, nëpërmjet vazhdimit të studimeve universitare në ciklin e dytë, në programet master profesional ose master i shkencave në gjuhë dhe civilizim grek, në mësimdhënien e gjuhës greke ose në fusha të përafërta.
Studenti, i cili zotëron “Diplomë Bachelor në Gjuhë dhe Civilizim Grek”mund të punësohet në sektorë të marrëdhënieve me jashtë të institucioneve qeveritare apo joqeveritare, në sektorë të përkthimit, në sektorë të projekteve, në agjenci të ndryshme shërbimesh, në agjenci turistike, institucione mediatike, organizata ndërkombëtare, biznese kombëtare dhe ndërkombëtare, në qendra kërkimi, etj.
Viti i parë
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Gramatikë e gjuhës shqipe /Morfologji | 4.5 |
| 2 | Gjuhë greke I. Gjuhë e folur | 4.5 |
| 3 | Gjuhë greke I. Gjuhë e shkruar | 4.5 |
| 4 | Gjuhë greke I.Gramatikë e aplikuar I | 4.5 |
| 5 | Studim teksti | 6 |
| 6 | Anglisht I | 3 |
| 7 | Informatikë | 3 |
| - | Totali ECTS Semestri I | 30 |
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Gramatikë e gjuhës shqipe/ Sintaksë | 4.5 |
| 2 | Gjuhë greke II. Gjuhë e folur dhe e shkruar | 4.5 |
| 3 | Gjuhë greke II. Gramatikë e aplikuar II | 4.5 |
| 4 | Hyrje në gjuhësi | 6 |
| 5 | Pedagogji | 3 |
| 6 | Anglisht II | 3 |
| 7 | Latinisht | 4.5 |
| - | Totali ECTS Semestri II | 30 |
Viti i dytë
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Gramatikë e gjuhës greke II. Morfologji e gjuhës greke | 4.5 |
| 2 | Gjuhë antike greke I | 6 |
| 3 | Mitologji greke | 4.5 |
| 4 | Studim teksti II | 6 |
| 5 | Leksikologji | 3 |
| 6 | Metodologjia e studimit shkencor | 3 |
| 7 | Lendë me zgjedhje (Edukim teatral) | 3 |
| - | Totali ECTS Semestri III | 30 |
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Gramatikë e gjuhës greke II. Sintaksë e gjuhës greke | 4.5 |
| 2 | Letërsi antike greke | 4.5 |
| 3 | Arti grek & TIK | 4.5 |
| 4 | Fonetikë - Fonologji | 4.5 |
| 5 | Shkrim akademik | 4.5 |
| 6 | Hyrje në gjuhësinë ballkanike | 3 |
| 7 | Didaktikë e gjuhës greke | 4.5 |
| - | Totali ECTS Semestri IV | 30 |
Viti i tretë
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Letërsi e re greke I | 6 |
| 2 | Histori dhe qytetërim grek I. Histori e Greqisë | 6 |
| 3 | Histori dhe qytetërim grek II. Qytetërim grek I | 4.5 |
| 4 | Përkthim I | 4.5 |
| 5 | Diversiteti gjuhësor dhe terminologjia I | 4.5 |
| 6 | Didaktikë e gjuhës greke me ICT | 4.5 |
| - | Totali ECTS Semestri V | 30 |
| Nr. | Emërtimi i lëndës/veprimtarisë | ECTS/Total |
|---|---|---|
| 1 | Letërsi e re greke II | 4.5 |
| 2 | Letërsi dhe TIK | 3 |
| 3 | Histori dhe qytetërim grek III. Qytetërim grek II | 4.5 |
| 4 | Diversiteti gjuhësor dhe terminologjia II | 3 |
| 5 | Përkthimi II | 4.5 |
| 6 | Praktikë profesionale | 4.5 |
| 7 | Detyrime përmbyllëse | 6 |
| - | Totali ECTS Semestri IV | 30 |